Flamurtari, tani ‘drejtojnë’ lojtarët…
Flamurtari i Vlorës gjeti fitoren e parë sezonale teksa për javën e 22-të mundi Luftëtarin në Gjirokastër 0-1. Aktualisht vjonjatët janë në fund me 9 pikë duke qënë skuadra kryesore që rrezikon kategorinë.
Por ajo që bëri shumë përshtypje te kampi vlonjat, ishte karikimi i grupit nga vetë lojtarët.
Moçka, Ribaj dhe Hoxhaj folën me skuadrën për të dhënë maksimumin. Nga dhomat e xhveshjes te fusha, ‘falli’ doli. Flamurtari me golin e Ribajt mori tri pikë.
Në radhë është Laçi. Të shtunën Flmaurtari do tentojë të marrë fitoren e dytë dhe nëse ia del, atëherë të gjithë do thonin: ‘ku ishin më parë fjalët karikuese të vetë futbollistëve?!”
Ndërkaq, Troisi kaloi fundjavën në Greqi pranë familjes teksa pas kthimit, ka marrë komandon e stërvitjes së skuadrës. Sukaj ka nisur të stërvitet me grupin dhe atmosfera duket e mirë.
Për shtëpiaken me kurbinasit, pritet të ketë interesim më të madh edhe nga sportdashësit vendas. Flamurtari- Laçi të shtunën duke nisur nga ora 14:00.
