Ksavi mbetet te Al-Sad, kthimi në qershor…
Ksavi Hernandez, nuk do të nënshkruajë për Barcelonën. Ky është versioni i fundit që ‘Mundo Deportivo’ hedh për lexuesit e saj.
Klubi blaugrana, ka patur tri takime me Ksavin gjatë ditëve të fundit por sipas spanjolles, është e sigurtë që ish- mesfushori legjendar i Barcelonës dhe Spanjës, do të mbetet në Katar te Al-Sad deri në qershor.
Ksavi, ka një kontratë në vazhdim me klubin e tij aktual dhe vetë ai dëshiron ta respektojë deri në fund.
‘Barcelona dëshiron Ksavin, por gjithçka shtyhet për në qershor‘ citohet nga burimi.
Kësisoji, Ernesto Valverde, dështaku i madh i stolit të Barcelonës, mund të qëndrojë edhe pak muaj te katalanasit.
Dy eleminime të turpshme nga Champions League dhe eleminimi dramatik së fundi nga Atletiko për Supërkupën e Spanjës, e kanë kthyer në fakt largimin e ‘milingonës’ nga skuadra e Mesit.