Ikardi mahnit në debutim…
Provë më se kaluese për Mauro Ikardin në të parën herë me fanelën e PSG-së. Shtypi francez, ka vlerësuar maksimalisht blerjen e re të sheikëve, teksa e vendos mes më të mirëve në skuadër.
Skuadra e Tuhel, shpartalloi 3-0 Realin e Zidan që kurrësesi, nuk mund të falet nga Florentino Perez. Por kjo është tjetër temë.
Ikardi, ish kapiteni i Interit, luajti për 61′ minuta dhe sipas prestigjiozeve franceze ’Equipe’, ka merituar notën 6. Ka dhënë asistin e golit të parë dhe ka qënë determinant përgjatë takimit.
Edhe ‘France Football’, e ka ngritur në qiell performancën e argjentinasit në këtë aventurë të re në Francë duke i shtuar një notë. Mbase shifrat tekikë 3-0 ndaj Realit, kanë sherbyer si bonus edhe për Ikardin.
PSG,me disa mungesa u prezantua shkëlqyer në takimin e parë në grupe të Champions League.