Kukësi, përforcimi i radhës…
Një ditë nga finalja e Superkupës së Shqipërisë në program nesër në “Elbasan Arena” ndaj Partizanit, Kukësi zyrtarizon futbollistin më të ri. Nënkampionët kanë nënshkruar sot me 23-vjeçarin nigerian Erhun Obanor. Mbrojtësi ka një CV të pasur dhe duket se do të ndihmojë skuadrën e Duros në prapavijë.
Klubi njofton:
“Futboll Klub Kukësi njofton arritjen e marrëveshjes me Erhun Obanor. Qendërmbrojtësi do të jetë pjesë e skuadrës sonë, pasi ka nënshkruar kontratë një-vjeçare, me opsion rinovimi edhe për një sezon tjetër”.
“Ish-kapiteni i Under-23 dhe futbollisti i përfaqësueses së Nigerisë vishet blu, pas eksperiencave me skuadrën NK Rudes në superligën kroate dhe Greuther Furth në Gjermani”, -thotë njoftimi i klubit.
