Mensah ndahet me Partizanin…
Ganezi 25 vjeçar Emanuel Mensah, ka ndërprerë bashkëpunimin me Partizanin kampion. Mesfushori sulmues ishte zbulimi te Laçi dy edicione më përpara, teksa pas aventurës te Atromitos dhe Kerkyra në Greqi, i’u bashkua Partizanit një sezon më parë. Pasi fitoi titullin, vjen ndalesa. Klubi e zyrtarizon.
“Klubi i Futbollit Partizani falënderon Emmanuel Mensah për kontributin e dhënë me fanelën e kuqe. Sulmuesi nga Gana i cili ishte pjesë e suksesit të fitimit të titullit kampion, ka vendosur të ndërpresë aventurën me të kuqtë duke gjetur edhe mirëkuptimin me drejtuesit e klubit.
Nëpërmjet kanalit zyrtar, sulmuesi 25 vjeçar falenderon klubin duke i uruar suksese në sezonin e ri, si dhe tifozerinë e Partizanit, e cila do të mbetet pjesë e paharruar në eksperiencën e tij 1 vjeçare duke u shpallur kampion i Shqipërisë.
Njëkohësisht klubi dëshiron të falënderoj Emmanuel Mensah, duke i uruar shumë suksese në karrierën e tij sportive“.
