Teuta, supergoli i Kallakut nuk mjafton
● “Djemtë e detit” të Teutës fituan, por çështja e kualifikimit ishte vendour në takimin e pare 0-3. Goli i Kallakut, edhe pse perlë, ishte pak për të vazhduar rrugetimin…
Teuta-Ventspils 1-0 (Kallaku 47′)
Nuk ia del Teuta. Skuadra durrsake, peng i takimit të vajtjes ndërsa humbi 3-0 në Letoni me Ventspils, udhëhoqi takimin me fillimin e fraksionit të dytë.
Pas një pjese të parë të startuar mirë për “djemtë e detit”, teksa arriti të godasë edhe shtyllën, minutat në vijim, ofruan një Teutë e cila punoi fare pak për të rrezikuar.
Një kryevepër e Kallakut në minutën e 47-te të takimit, ka regjistruar dhe majën e këtij takimi.
Goli i fantazistit durrsak, nuk influencoi për të rritur presionin e për të tentuar golin e shpejtë aq të dëshiruar. Minutat rrjedhin ndërsa në minutat e fundit, bie disi dhe ritmi.
Gjithsesi, Teuta pati meritën që së paku, e mbylli me fitore takimin e kthimit. Ventspils kalon në turin e dytë.
