Korçari Lilaj konvertohet, edhe në izraelit…
Mesfushori Sabien Lilaj, pjesë edhe e kuqezinjve të Kombëtares, sot ka nënshkruar dhe zyrtarizuar një kontratë 2-vjeçare me klubin izraelit Sektzia Nes Tziona.
30-vjeçari korçar, pasi la Skënderbeun, sezonin e shkuar luajti për skuadrën azere të Gabalas. Klubi izraelit, ndërsa bën të ditur lajmin nëpërmjet rrjeteve sociale, ka nxituar t’i urojnë mirëseardhjen Sabien Lilajt dhe t’i veshë fanelën e verdhë të skuadrës.
Korçari, para përvojës azere sezonin e shkuar, ka qenë pjesë edhe Lokomotivës së Zagrebit, ndërkohë që sukseset në karrierën e Sabien Lilajt përfshihen në radhët e skuadrës së Tiranës dhe Skënderbeut të Korçës, ku edhe ka fituar kupa dhe tituj kampioni.