Shqipëria miqësore luksi, me Francën…
Shqipëria e 21-vjeçarëve, që drejtohet nga trajneri Alban Bushi, do të zhvillojë në muajin shtator një ndeshje miqësore me bashkëmoshatarët e Francës. Kjo ndeshje do të zhvillohet më 5 shtator, në orën 21:00 në Amiens në stadiumin “Stade de la Licorne”.
21-vjeçarët do të testojnë forcën e tyre ndaj Francës dhe më pas do të kthehet në Shqipëri për të zhvilluar përgatitjet për ndeshjen zyrtare të eliminatoreve për Euro 2021 kundër Austrisë, ndeshje e cila do të luhet në datë 9 shtator, njofton FSHF në faqen e saj zyrtare në internet.
Shqipëria ndodhet në grupin 3, së bashku me Anglinë, Austrinë, Turqinë, Kosovën dhe Andorrën.
