Liridon Latifi nga Hungaria në Moldavi…
Besojmë se ju kujtohet sulmuesi i majtë i Skënderbeut, kosovari Liridon Latifi? Pas dy sezonesh për t’u harruar në radhët e skuadrës hungareze Akademia Pushkash, ish-kampioni i Shqipërisë me korçarët, ka ndërruar skuadër.
25-vjeçari koksovar, i cili arriti të vishte fanelën e Kombëtares dhe që konsiderohej si një sulmues me mjaft të ardhme, është larguar nga Budapesti për t’u transferuar te kampionët e Sherif Tiraspolit në Moldavi.
Zyrtarizimin e kësaj lëvizjeje e bën të ditur vetë klubi moldav nëpërmjet rrjeteve sociale, i cili shprehet i kënaqur dhe i uron mirëseardhjen Latifit në radhët e Sherif Tiraspolit.
Për dy sezone te Akademia Pushkash, sulmuesi Liridon Latifi, u aktivizua vetëm në 27 ndeshje dhe shënoi vetëm 1 gol.