Nis Kupa e Afrikës, Salah në shtëpi…
● Nesër me ndeshjen Egjipt-Zimbabve, (22:00 në Kajro) nis kompeticioni i Kupës së Kombeve të Afrikës që organizohet në Egjipt.
Me datën 21 qershor, nis edicioni i 32-të i Kupës së Kombeve të Afrikës. Ndryshe nga e kaluara, këtë radhë, kompeticioni më i madh në Afrikë, do të zhvillohet gjatë muajve të verës, ndërsa si shtet organizator, do të jetë pikërisht Egjipi i 7 trofeve të fituar deri tani.
Kupa e Afrikës do të zgjasë deri në 19 korrik, teksa formula i ka ndarë kombëtaret në 6 grupe me nga 4 ekipe. Ylli i Liverpulit, Mohamed Salah, në radhët e Egjiptit, së bashku me të tijtë, kanë shansin të synojnë për herë të 8-te trofeun.
Risi edhe numri i madh i shteteve pjesëmarrëse. Në total, janë listuar 24 përfaqësuese, çka do ta shndërrojë periudhën e verës, me atraksion sportiv jo vetëm për kontinëntin e ”zi”, por dhe për të pasionuarit e futbollit nëpër botë. Natyrisht, skautët janë të shumtë…