Hamilton, i kthen buzëqeshjen një fëmije…
● Big surprizë për Herri Shëu në luftën kundër kancerit. Piloti i dhuron një kopje të Mercedesit në F1, si dhe trofeun e fituar në Montmelo
Një gjest i vogël për t’i dhënë një buzëqeshje një fëmije që lufton për jetën: Ljuis Hamilton dha një kopje të makinës Mercedes në F1, si dhe trofeun që fitoi në Spanjë për 5-vjeçarin Herri Shëun që vuante nga kanceri.
Para garës tifozi i vogël i kishte dërguar një mesazh pilotit britanik, i cili, pas suksesit në Montmelo, ka deklaruar: “Herri ishte një frymëzim për mua”.
Mercedesi dhe kampioni i botës Ljuis Hamilton, dërguan një makinë W10 te shtëpia e Shëut, si dhe i dhanë Herrit, trofeun dhe dhurata të tjera.
Babai i Herri, Xhejms Shëu, komentoi: “Ju nuk mund ta kuptoni se çfarë përfaqëson ky gjest për djalin tim. Tani ai beson se Ljuis është miku i tij më i mirë, dhe për një fëmijë, e gjithë kjo është fantastike. Në një moment të tmerrshëm si ky, ne kemi arsye për të buzëqeshur”.
