“Big”-t non stop, në kërkim të El Dorados…
● Gjatë verës, 12 skuadra “big” do të ndeshen midis tyre në 15 qytete të Azisë dhe Amerikës në turneun “International Champions Cup”
Futbolli i ditëve tona është një biznes fitimprurës. “Big”-t, skuadrat e mëdha, thuajse nuk bëjnë pushime gjatë gjithë vitit, edhe pse sezonet përfundojnë në fund të majit. Gjatë verës sytë e tyre janë drejt Azisë dhe Amerikës, që janë shndërruar në një “alla-El Dorado” për to.
I tillë është edhe turneu “International Champions Cup”, programi i ndeshjeve të të cilit u prezantua sot në Singapor. Në të do të marrin pjesë 12 skuadra “big” të Europës, të cilat do të ndeshen në 15 qytete të ndryshme të Azisë dhe Amerikës.
Interesant është kalendari, pasi ndër të tjera, në ndeshjen e parë të etapës aziatike, më 24 korrik do të luhet “derbi” i Italisë Juventus – Inter, në qytetin Nanjing të Kinës, ku jetojnë pronarët e klubit milanez. Ndërkohë, më herët, Juvja do të përballet me Mançester Junajtit, ndërsa Interi me Totenhemin në Singapor.
“Derbi” anglez Junajtid – Totenhem është planifikuar të zhvillohet përpara mijëra shikuesve në Shangai, ndërsa Real Madrid, më 26 korrik, do të përballet me Atletikon në Nju Xhersi, ndërkohë që një javë më parë “Los Blancos” do të sfidojë Bajern Mynih në Teksas.
Në ceremoninë e promovimit të kalendarit të “International Champions Cup” në Singapor ishin edhe përfaqësues të klubeve si Fabricio Ravaneli (Juventus), Françesko Toldo (Inter), Dëight Jork (Mançester Junajtid) dhe Tedi Sheringham (Totenhem), etj.
Kalendari i plotë:
16 Korrik Roma-Chivas (SeatGeek Stadium, Bridgeview)
17 Korrik Arsenal-Bayern Monaco (Dignity Health Sports Park, Carson)
20 Korrik Manchester Utd-Inter (National Stadium, Singapore)
20 Korrik Arsenal-Roma (Bank of America Stadium, Charlotte)
20 Korrik Bayern Monaco-Real Madrid (NRG Stadium, Houston)
20 Korrik Benfica-Chivas (Levi’s Stadium, Santa Clara)
21 Korrik Juventus-Tottenham (National Stadium, Singapore)
23 Korrik Real Madrid-Arsenal (FedExField, Landover)
23 Korrik Bayern Monaco-Milan (Arrowhead Stadium, Kansas City)
23 Korrik Chivas-Atletico Madrid (Globe Life Park, Arlington)
24 Korrik Juventus-Inter (Olympic Sports Complex, Nanchino)
24 Korrik Roma-Benfica (Red Bull Arena, Harrison)
25 Korrik Tottenham-Manchester Utd (Hongkou Football Stadium, Shanghai)
26 Korrik Real Madrid-Atletico Madrid (MetLife Stadium, East Rutherford)
28 Korrik Milan-Benfica (Gillette Stadium, Foxborough)
03 Gusht Manchester Utd-Milan (Principality Stadium, Cardiff)
04 Gusht Tottenham-Inter (White Hart Lane, Londra)
10 Gusht Atletico Madrid-Juventus (Friends Arena, Stoccolma)