Laçi spektakolar në të dytën, Erzeni ndalet nga Kukësi
Tirana nisi me vrull, bardheblutë në vështiresi në pjesën e dytë, kapen në ekstrem nga perla e Melos.
Nga Sara Gjidiaj
Xhiroja numër 16 në Abissnet Superiore nisi me 2 barazime në Laçi – Tirana dhe Erzeni Kukësi. Takimi në Laç u mbyll mes 4 golave ndryshe nga ai në Rrogozhinë që nuk tundi asnjë rrjetë.
Mjaft interesante sfida bardhezi – bardheblu ku miqtë e nisën me 1 gol të Latifit të anuluar për pozicion jashtë loje, për të vazhduar me golat e Hasanit dhe Abazajt që vendosën pjesën e parë.
Merr ngjyra të tjera loja gjatë fraksionit të dytë ku kurbinasit më kërkues e më të zjarrtë marrin frenat e lojës në dorë. Me 1 dhuratë të Najdovskit dhe golin e Melos në limite kurbinasit nuk dolën pa pikë nga kjo përballje.
Nga ana tjetër, edhe Erzeni me Kukësin ndanë pikët mes penalltive të anuluara e kontenstimeve të shumta. 0-0 mbyllet gjithçka me 1 pikë që i shërben njëlloj të dyja ekipeve.
Kështu, Tirana nuk lëviz nga vendi i tretë por tashmë në kutoën e 23 pikëve, ndërsa Laçi, Erzeni, Vllaznia dhe Kukësi kanë nga 17 pikë. Pas pak, Vllaznia – Dinamo.
Abissnet Superiore, Java 16:
Laçi – Tirana 2-2 (Najdovski 59′ (ag), Melo 90’+2’/Hasani 18′, Abazaj 45’+2′)
Erzeni – Kukësi 0-0
