Sot/ ‘Play Off’ dhe ‘Play Out’, e Para nis në të ‘nxehtë’
Flamurtari- Apolonia dhe Tomori- Korabi janë dy sfidat e zonës ‘Play Off’ të Kategorisë së Parë.
Nga: Erga Kenga
Me formulën e 3-ta me të 6-ën dhe e 4-ta me të 5-ën, kjo fushatë në inferiore, do të nxjerrë skuadrën e tretë të së Parës e cila do ketë mundësi të përballet me vendin e 8-të Abissnet Superiore për një vend edicionin e ri në Superiore (një takim në fushën e skuadrës së Superiores).
Kështu, sot në Vlorë me start orën 16:00, dy skuadrat e njohura në takimin e vetëm mes tyre. Dukshëm favorit Flamurtari i Longos të cilit për të kaluar në finale i bëjnë punë fitorja por dhe barazimi (klasikimi më i mirë në kampionat).
E njëjta situatë në Berat ndërsa Tomorit vendas i mjafton të mos humbë me Korabin për të shkuar në finale të këtij play off-i. Finalja më 28 maj me FSHF-në e cila pritet të zyrtarizojë impiantin.
Ndërkohë po sot në orën 16:00 ndeshja Lushnja-Valbona. Për fazën play out, skuadra e Klevis Dalipit, do luajë këtë finale me tropojanët në “Elbasan Arena’ me synimin për të shpëtuar sezonin. Nga ana tjetër Valbona kërkon promovimin në Kategori të Parë.
Ndërkaq sfida e dytë play out i përket takimit të ditës së premte në Rrogozhinë. Burreli-Pogradeci është çifti që do të prodhojë skuadrën e fundit që merr biletën e 12-të të Kategorisë së Parë.
‘Play Off’, Kategoria e Parë:
16:00
Flamurtari- Apolonia
Tomori- Korabi
‘Play Out’, Kategoria e Parë
16:00
Lushnja-Valbona (në Elbasan)
Burreli-Pogradeci (të premten në Rrogozhinë)
