Tirana bën kampionen dhe merr kreun e renditjes
Abissnet Superiore, Java 28:
Tirana – Kukësi 2-1 (Hila 42′, Hasani 89′ pen/ Rashiti 51′)
Tirana kalon Kukësin dhe merr e vetme kryesimin e kampionatit. 2-1 ishte rezultati përfundimtar i sfidës së javës së 28-të Abissnet Superiore të luajtur në “Elbasan Arena”.
Të parët morën avantazhin bardheblutë në minutën e 42′-të falë golit të Hilës të ardhur pas një këndoreje, teksa do duhej të kalonin pak minuta nga starti i pjesës së dytë që të rikthehej baraspesha.
Verilindorët gjetën rrjetën me anë të Rashitit që rihapi dhe një herë llogaritë e këtij takimi, i cili ndryshoi atëherë kur mendohej se gjithçka po shkonte drejt barazimit.
Një penallti e konfirmuar nga VAR për kryeqytetasit u ekzekutua saktë nga Hasani. Gol me vlerën e 3 pikëve në momentet e fundit të sfidës për kampionët në fuqi që duke përfituar dhe nga ndalesa e Partizanit, shijojnë kreun të vetëm.
Sakaq, Kukësi mbetet në zonën e ngjeshur të fundi të tabelës, konkretisht në vendin e shtatë me 35 pikë./Sara Gjidiaj/