Flamurtari mbetet në klasë, Besëlidhja “tung-tung” Kategori e Parë
Kategoria e Parë, Java 22:
Flamurtari – Skënderbeu 0-0
Besëlidhja – Tomori 0-1
Dy përballjet e radhës për javën e 22-të të Kategorisë së Parë ishin Flamurtari – Skënderbeu dhe Besëlidhja – Tomori.
Lufta për kreun midis vlonjatëve dhe korçarëve përfundoi pa fitues. Barazim pa gola në një përballje të ndezur, por edhe të kujdesshme nga ana e të dyja skuadrave që synojnë ringjitjen në Superiore për sezonin e ardhshëm.
Nuk ndryshojnë pozicionet e dy ekipe në tabelën e klasifikimit me Skënderbeun që ruan kreun me 42 pikë dhe Flamurtarin që renditet i treti me 39 pikë.
Paralelisht u luajt dhe Besëlidhja – Tomori. Tashmë për lezhjanët duket se nuk ka më shpëtim edhe pas humbjes minimale të ditës së sotme ndaj beratasve. Vendosi goli i minutës së 73′-të shënuar nga Emini që përkthehet me vendin e katërt në klasifikim ku Tomori pozicionohet me 33 pikë.
Gara e kësaj jave të 22-të mbyllet nesër me Turbina – Dinamo dhe Korabi – Oriku, teksa Besa e Kavajës merr 3 pikë në tavolinë pasi do duhej të luante përballë Tërbunit të dënuar nga Disiplina./Sara Gjidiaj/