Zomer rrezikon Botërorin, portieri i Zvicrës…
Portieri i Borusia Mynshengladbah u dëmtua të martën në Kupën e Gjermanisë ndaj Darmstadt duke bërë që portieri helvet të vendosë në pikëpyetje pjesëmarrjen me Zvicrën në ‘Katar 2022’ që nis më 20 nëntor.
Portieri i cili së bashku me Granit Xhakën u intervistuan pak ditë më parë nga FIFA,u dëmtua në minutat e para të ndeshjes së Kupës së Gjermanisë kundër Darmstadt. Një problem i kyçit të këmbës që do të vlerësohet në orët në vijim.
Ndërkaq Zomer pasi i “fshiu” karrieren me kuqezinjtë në 2016 Shkelzen Gashit (ai rast në minutat e fundit vetëm për vetëm në Zvicër- Shqipëri në Euro 2016 në Francë), do të mbahet mend gjatë edhe nga italianët teksa ishte portieri i shquar i cili priti penalltinë Zhorzhinjos duke lënë Italinë të dytën në grup (më pas italianët nuk arritën të kualifikohen për në Katar 2022).
