Departamenti i Garave në FSHF zbardh axhendën e javës së 4 dhe 5-të
Do të startojë sot java e tretë Abissnet Superiore me klasiken Tirana-Vllaznia. Nesër në fushë dy duelet e tjera Erzeni- Teuta dhe Kukësi- Kastrioti ndërsa të dielën mbyllin javën Laçi- Egnatia dhe Bylis- Partizani.
Ndërkohë në një njoftim për mediat, Deparatameti i Garave në FSHF njofton se java e 4 dhe 5 do të zhvillohen sikundër deri tani në tri ditë. Paralelisht sqarohet dhe qyteti ku do të luhet.
Njoftimi i DGFSHF:
Departamenti i Garave në FSHF ka përcaktuar kalendarin e javës së 4-t dhe të 5-të të kampionatit “Abissnet Superiore”. Sipas kalendarit, ndeshjet e javës së katërt do të luhet të ndara të tre ditë dhe do të nisin më 9 shtator me duelin Teuta-Kukësi, që zhvillohet në stadiumin “Niko Dovana”, duke filluar nga ora 17:45.
Më datën 10 shtator do të luhen dy ndeshjet e radhës, që fillojnë që të dyja në ora 17:00, me Kastrioti-Tirana që zhvillohet në stadiumin e Kamzës, ndërsa Egnatia-Vllaznia zhvillohet në stadiumin e Rrogozhinës.
Java e katërt mbyllet me dy ndeshjet e datës 11 shtator e më konkretisht Laçi-Bylis, që nis në ora 15:00 në stadiumin e Laçit dhe Partizani-Erzeni që nis në ora 17:45 në stadiumin “Elbasan Arena”.
Edhe ndeshjet e javës së 5-të do të luhen të ndara në tre ditë, ndërsa siparin e ngre sfida Tirana-Teuta, që luhet më 16 shtator duke nisur nga ora 16:00 në stadiumin “Selman Stërmasi”. Më datë 17 shtator në stadiumi e Ballshit në ora 15:00 luhet ndeshja Bylis-Egnatia, kurse më 17:45 në stadiumin “Niko Dovana” të Durrësit zhvillohet Erzeni-Laçi.
Më 18 shtator në “Kukës Arena” në ora 15:00 luhet Kukësi-Partizani dhe në ora 17:45 zhvillohet ndeshja përmbyllëse e javës Vllaznia-Kastrioti në stadiumin “Loro Boriçi”.
Më poshtë edhe kalendari i javës së 4-t dhe të 5-të të “Abissnet Superiore”:
“Abissnet Superiore”
Java 4
| Nr. | Ndeshja | Data | Ora | Vendi |
| 1 | Partizani-Erzeni | 11/09/2022 | 17:45 | Elbasan |
| 2 | Laçi-Bylis | 11/09/2022 | 15:00 | Laç |
| 3 | Kastrioti-Tirana | 10/09/2022 | 15:00 | Kamëz |
| 4 | Teuta-Kukësi | 09/09/2022 | 17:45 | Durrës |
| 5 | Egnatia-Vllaznia | 10/09/2022 | 15:00 | Rrogozhinë |
Java 5
| Nr. | Ndeshja | Data | Ora | Vendi |
| 1 | Bylis-Egnatia | 17/09/2022 | 15:00 | Ballsh |
| 2 | Erzeni-Laçi | 17/09/2022 | 17:45 | Durrës |
| 3 | Kukësi-Partizani | 18/09/2022 | 15:00 | Kukës |
| 4 | Tirana-Teuta | 16/09/2022 | 16:00 | Tiranë |
| 5 | Vllaznia-Kastrioti | 18/09/2022 | 17:45 | Shkodër |
