Testi në Pogradec, derbi pa fitues

Partizani-Dinamo 1-1

Ish sulmuesi i Korabit debuton me gol për Dinamon, përgjigjet një tjetër ish i Tiranës (Hoti) teksa barazon në 1-1 final.

Nuk ka fitues në derbin miqësor mes Partizanit dhe Dinamos. Ndeshja testuese e luajtur në “Gjorgji Kyçyku” të Pogradecit përfundoi në shifrat 1-1.

Dinamovitët shënuan të parët që në minutën e 13′-të nëpërmjet Taulant Markut, ndërsa Partizani duhet të presë pjesën e dytë për golin e barazimit. Engjëll Hoti realizon një gol mjaft të bukur për të kuqtë të cilët vendosin baraspeshën në minutën e 65′-të.

Nëse barazimi është një tregues i mirë për blutë e kryeqytetit të cilët sezonin e ardhshëm do të luajnë një kategori më poshtë, e kundërta ndodh për Partizanin që ngec sërish pas eleminimit nga Conference Leauge ne këtë vigjilje të sezonit të ri futbollistik.