Shuhet Mino Raiola, agjenti i madh i lojtarëve…

Bota e futbollit është në zi. Mino Raiola, agjent i disa prej futbollistëve më të mirë në botë dhe një nga mbretërit e njohur të tregut të transfertave, vdiq sot në Monte Carlo.

I sëmurë për disa muaj, ai ishte operuar urgjentisht në ‘San Raffaele’ në Milano, por nuk ishte shëruar kurrë plotësisht. I lindur në Nocera Inferiore më 4 nëntor 1967, ai ishte formuar si prokuror në Holandë, ku kishte filluar të merrej me drejtimin e disa futbollistëve dhe kishte arritur të bënte emër në Itali falë ndërmjetësimit të tij në transferime si Michel Kreek, Marciano Vink dhe Pavel Nedved.

Ai ka qenë protagonist i shumë operacioneve milionerësh duke filluar nga kalimi i Ibrahimoviç nga Interi te Barcelona në 2009 tek ai i Mario Balotelit te Mançester Siti, Paul Pogba fillimisht te Juventusi dhe më pas te Mançester Junajtid dhesë fundi deri te kalimi i Haland nga Salsburg te Borusia Dortmund dhe të De Ligt nga Ajaks te Juventusi.

Në vitin 2020, Forbes e kishte vendosur Raiolën të katërtin në botë në mesin e avokatëve me një xhiro prej 84.7 milionë dollarësh duke mbyllur marrëveshje për 847.7 milionë dollarë.

Agjenti i FIFA-s pati themeluar kompaninë “Sportman”, me qendër në Montekarlo. Aty ku dhe mbylli sytë sot këtë paradite të 28 prillit 2022.