Kupa/ Duro: Ta harrojmë ndeshjen e parë

Laçi do biletën e finales, Duro kërkon fitoren e 200-të si trajner.

Laçi- Teuta, ndeshja e kthimit e Kupës së Shqipërisë, turi gjysmëfinal në program të mërkurën në 14:45 në stadiumin ‘Laçi’.

Rezultati i ndeshjes së vajtjes (1-2) për bardhezeinjtë duket se afron kurbinasit djeshëm me finalen e 31 majit. Gjithësesi sot Shpëtim Duro në prononcimin për ‘Sportiim.al’ mendon se ndeshja e parë fituar në Durrës duhet harruar.

Duro:

Vjen gjysmëfinalja e kthimit ndaj Teutës.

“Sigurisht është ndeshje Kupe, është tërësisht ndyshe nga kampionati. Natyrisht vijmë pas një fitorjeje 2-1 por unë jam i mendimit, kam folur edhe me skuadrën, duhet ta harrojmë atë ndeshje atë rezultat. Duhet të futemi në fushë me pozita të barabarta sikur ndeshja e parë të ketë përfunduar 0-0.”

Shanset për në finale?

“Patjetër shanset, duke patur parasysh rezultatin pozitiv të ndeshjes së parë anojnë disi nga ne por e përseris; duhet përqendrim total në ndeshje të tilla. Futbolli ka treguar gjithnjë se është i ndërlikuar dhe i paparashikuar”.

Kontigjenti në dispozicion?

“Po sigurisht që kemi mungesa duke patur parasysh edhe dëmtimet. Malota nuk është rekuperuar, mungesë e rëndësishme për skuadrën, por nuk do të jetë edhe Turkaj po për dëmtim”.

Mazrekaj?

“Mentori pas atij dëmtimi ndaj Vllaznisë ka rekuperuar është stërvitur me grupin dhe është i gatshëm për nesër”.

Risi nga ‘Duro 1’ te ‘Duro 2’ te Laçi?

“Jo nuk shoh ndonjë risi. Është po ai grup që kemi punuar gjatë verës në Kupat e Europës por ndyshimi vjen nga fakti që tani është fundi i kampionatit. Si të them, është tjetër gjë ta nisesh kampionatin nga fillimi… Tani je në fund, duhet menaxhim duhet rezultat për të arritur objektivët sezonalë të klubit”.