Portugalia ecën, Burak Ilmaz humb shansin turk
Kualifikohet edhe Uellsi e Suedia. Ukrainë-Skoci e shtyrë, Polonia ka kaluar pas përjashtimit të Rusisë.
Portugalia triumfon 3-1 ndaj Turqisë në Dragao të Potos. Otavio zhbllokoi rezultatin që në minutën e 15-të, për të ardhur më pas te dyfishimi me golin e sulmuesit të Liverpulit Diego Zhota.
Në pjesën e dytë Burak Yilmaz shkurtoi diferencën në të 65-tën, por humbi penalltinë në minutën e 83-të duke i hequr mundësinë ideale turqëve për të shpresuar te finalja me Maqedoninën e Veriut.Në shtesë vjen dhe goli i Nunes, Portugali- Turqi- 3-1.
Ndërkaq kualifikohet në finale të play off-it edhe Uellsi. Ishullorët kaluan 2-1 Austrinë. Vendos një supergol i Bejl nga goditja e lirë në minutën e 25-të, ndërsa në fillim të pjesës së dytë realizoi edhe të dytin personal.
Austria u kthye në lojë nga autogoli i Davies në të 65-tën. Në fund, Uellsi fitues, do të luajë në finale me fituesin e çiftit Ukrainë – Skoci.
Sakaq në Solna, Suedia kaloi me një gol në të 110-ën Republikën Çeke. Robin Kuaison mbylli në mënyrë spektakolare një aksion të luajtur me tri pasime në hyrje dhe në zonën çeke.
Ndeshjet play-off gjysmëfinale:
Itali-Maqedoni e Veriut 0-1
Portugali– Turqi 3-1
Uells-Austri 2-1
Suedi-Çeki 1-0 pas kohës shtesë