Italia jashtë Botërorit ‘Katar 2022’
Italia tre herë në play-off, dy herë jashtë saj. Pas eleminimit nga Suedia radha e Maqedonisë së Veriut për ti hequr të drejtën numër 19-të në një fazë finalejeje Botërori.
Italia jashtë ‘Katar 2022’. Mallkimi vijon për të kaltërit e Mançinit të cilët pasi dështuan me Venturën për tu kualifikuar në ‘Rusi 2018’, përsëri mbesin jashtë fazës finale të një botërori.
Në Palermo përballë Maqedonisë së Veriut, kampionët e Europës në fuqi, e nisën me sulme të shumta por çdo minutë që kalonte shtoi presionin te grupi i rinovuar italian dhe rriti besimin te formacioni i Milevskit se mund t’ja dilnin.
Në fakt goli ‘çudibërës’ i Maqedonisë së Veriut erdhi në të 92-ën teksa Aleksandër Trajkovski pasi kontrolloi një top jashtë zone goditi bukur e saktë për të mposhtur Donarumën.
Ballkanasit me 4 shqiptarë në formacion, ndër më të mirët në fushë, Musliu, Alioski, Ademi e veçanerisht Bardhi, do të ndeshën në finale në 29 mars me Portugalinë e cila kaloi 3-1 Turqinë. Fituesi shkon në Botëror. /Sportiim.al/
Well deserved, my friend! @MacedonianFooty pic.twitter.com/QvPCfMf0XH
— Benny Giardina (@bennygiardina) March 24, 2022