Olivera/ Fitoi Çmimin e Madh, ia dedikon vajzës

Miguel Oliveira buzëqesh përsëri dhe e bën atë në mënyrën më të mirë të mundshme. Suksesi në Mandalika, në GP të Indonezisë, vjen nëntë muaj pas podiumit të fundit për portugezin, i cili feston me një dedikim të veçantë:

“I kam premtuar vajzës se do të kthehem në shtëpi nga Indonezia me një trofe, ky është për të. Nuk ka qenë e lehtë, muajt e fundit kanë qenë të vështirë për mua dhe të rikthehem kështu është shumë e rëndësishme për mua.”

Piloti i KTM-së më pas shpjegoi: “Ishte si të hipja në një slitë, në fillim nuk e kuptova mirë pistën dhe më pas duke ndjekur Milerin përfitova nga momenti”.

Vendi i dytë për kampionin e botës Fabio Kuartararo: “Në warm mendova se kisha më shumë, por kushtet e sotme më lejuan të përfitoj nga rasti për të fituar pikë. Është podiumi im i parë, jam shumë i kënaqur me këtë. Jam super i lumtur, podiumi i parë në pistën e lagur më bën shumë të lumtur me këtë rezultat.”

Hapi i tretë i podiumit për Johan Zarko dhe Ducati Pramac-in e tij: “Duhet të jem i lumtur për këtë podium, por m’u desh pak kohë për të kuptuar kapjen. Pasi e kuptova bëra disa xhiro të mira, por parakalimi ishte i vështirë dhe unë humba shumë gjatë daljes nga këndi. Kam humbur shumë kohë, kur pista ishte e lirë kam shtyrë shumë. Vendi i tretë për të zënë ashtu siç është”.