Tirana/ Java e 26 për titullin e 26-të
Skuadra bardheblu e dërgon në 13 pikë diferencën me vendin e dytë. Fitorja e sotme me blutë, konfirmon momentin më të mirë të Tiranës. Titulli gjithnjë e më pranë...
Java e 26-të/ Tirana- Dinamo 1-0 (Devid De Silva 69′,asiist Xhixha)
Tirana nuk njeh blof. Në derbin e 142-të me Dinamon, luajtur këtë pasdite në ‘Elbasan Arena’ tiranasit e Shehit luajtën dhe triumfuan në një sfidë delikate.
Për javën e 26-të Abissnet Superiore bardheblutë falë një goli të Devid De Silvës morën tri pikë dhe në një mënyrë, zgjasin duart te titulli i 26-të.
Një gol i anuluar për blutë dhe një penallti e humbur nga Ibraimi në fund, nuk i sherbyen bluve që sot patën në stol një teknik të ri.
Duket paradoksale por edhe në këtë takim me ish futbollistin e Leçes në krye të pankinës nuk u aktivizua (nga starti) ndoshta futbollisti më i mirë në këtë Superiore; Redon Mihana.
Pa shtuar këtu Eni Imamin i cili krijoji një hendek të madh në prapavijë. Pavarësisht se fizikisht nuk ishte në 100%. Për Dinmon dhe Vanolin në lojë edhe 30 pikë. Situata në fund kritike./Isuf Myrtaj/