Zgjedhjet/ Bonjek vjen në Tiranë

Nga Sporti Im 2 vjet më parë

Zbignjev Bonjek pas finales së Brukselit me Juven (29 maj) udhëtoi drejt Tiranës për të luajtur ndaj Shqipërisë me Poloninë 30 maj 1985. Të martën me kostumin e zyrtarit të UEFA-s do të asistojë në zgjedhjet e FSHF-së.

Asambleja e Përgjithshme e Zakonshme Zgjedhore e FSHF ndërsa zhvilloi punimet në ambientet e Shtëpisë së Futbollit në 2 mars 2022 ka lënë edhe një mision për të përfunduar. Bëhët fjalë për kreun e ri të FSHF-së dhe anëtarët e rinj të KE.

Sipas asaj që u tha në fund të atij takimi në 15 mars Asambleja do të rimblidhet sërish. Dhe sikundër në rastin e 2 marsit edhe këtë herë pritet që në Tiranë të zbarkojnë përfaqësues të lartë të UEFA-s dhe FIFA-s.

‘Sportiim.al’ mëson se presidenti i nderit i Federatës Polake me statusin e zëvendësit të Presidentit të UEFA-s Zibi Bonjek do të jetë të martën në kryeqyetin shqiptar për të ndjekur procesin dhe përcjellë mesazhet e institucionit më të lartë europian.

Kështu pas Gravinës, Ceferin dërgon në Tiranë një tjetër personalitet të lartë të futbollit në kontinent./Sportiim.al/

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!