Gega trajneri i ri i Skënderbeut
Skënder Gega ka firmosur për 1.5 vite me Skënderbeun e Korçës. Lajmin për arritjen e akordit e ka bërë të ditur vetë klubi juglindor në rrjete.
Klubi Skënderbeu pasi njoftoi paraprakisht largimin e Migen Memellit, ka qëndruar në ‘linjë’ ndërsa ka përcjellë emrin e ri të trajnerit të skuadrës.
Ish- futbollisti i Partizanit dhe ekipit kombëtar në rolin e trajnerit në Superiore ka drejtuar Partizanin dhe Kukësin. Me të kuqtë gjatë sezonit 2018-19 arriti të fitojë titullin kampion ndërsa me Kukësin nuk arriti të lërë shumë gjurmë.