Tirana nuk ndalet, Xhixha dhe Hoti…
Java e 20 Superiore: Tirana- Egnatia 2-0 (Xhixha 13′, Hoti 79′)
Tirana nuk lë vend për hamendsime të skuadrave që ndjekin. Sot në ‘Air Albania Stadium’ skuadra bardheblu fiton ndaj Egnatias me shifrat 2-0.
Falë një super Xhixha, ekipi i Shehit kaloi përpara që në të 13-ën. Më pas radha e Hotit për të mbyllur llogaritë e një dueli i cili në fundin e së parës pa miqtë të luanin me një lojtar më pak (karton i kuq Imeri).
E dyta e gjitha nën administrim të bardhebluve që i afrohen disa herë golit të dytë. Hoti ishte ai teksa lëshoi një predhë 11 minuta nga fundi. Puja i mundur dy herë…
Pas suksesit Tirana ngjitet në kuotën e 46 pikëve, duke e rikthyer në 6 pikë diferencën me Laçin e vendit të dytë