Kosova në Suedi
Krahas Shqipërisë e cila luan nesër ndaj Hungarisë edhe Kosova të shtunën do të luajë ndeshjen e saj kualifikuese për Botërorin “Katar 2022” ndaj Suedisë për Grupin B në Solna.
Daradnët udhëtuan sot teksa në 17:30 Shaland do të vihet para gazetarëve për konferencën e zakonshme. Në 18:00 në impiantin e Solnas skuadra në seancë përgatitore.
Njoftimi
“Kombëtarja e Kosovës është nisur sot në mëngjes me “Charter” për në Stokholm, teksa të shtunën do të luajë ndeshjen e radhës kualifikuese për Botërorin “Katari 2022” kundër Suedisë
Dardanët gjatë katër ditëve të kaluara kanë stërvitur me përkushtim të madh në Prishtinë nën drejtimin e përzgjedhësit Challandes për ta përgatitur sa më mirë duelin e vështirë me suedezët.
Atmosfera në ekip është shumë e mirë, derisa FFK është përkujdesur që kushtet e udhëtimit për ekspeditën e Kombëtares të jenë me komoditet të lartë.
Dardanët në orën 18:00 do ta mbajnë stërvitjen e fundit para ndeshjes në stadiumin “Friends Arena” në Solna.
Paraprakisht përzgjedhësi Bernard Challandes dhe një nga lojtarët dardan do të paraqiten në konferencën zyrtare për media në 17:30 “