Kastriot Rama i bashkohet Flamurtarit…
Klubi nga Prishtina kërkon të kthehet me ngulm në Superligë. Ademi afron në staf matjanin e njohur.
Imer Ademi, presidenti i Flamurtarit të Prishtinës ka besuar në të kaluarën te cilësitë e futbollistëve nga Kategora Superiore e cila nga sot ka emrin Abissnet Superiore. Por sot klubi nga Prishtina, ka prezantuar në rolin e trajnerit të portierëve një emër të njohur nga fusha e trajningut shqiptar si Kastriot Rama.
Matjani i cili pas futbollit të luajtur është impenjuar me mjaft sukses te Laçi në Superiore teksa ka fituar si trajner i portierëve edhe Kupën e Superkupën e Shqipërisë, nis zyrtarisht nga puna me kontratën një vjeçare prishtinase.
Në fakt, Kastriot Rama ka patur përveç rolit të trajnerit për portierë te Laçi, Besa e Burreli edhe postin e Administratorit te ekipi i qytetit të tij Burreli.
Lëvizjet pa kriter në drejtim, bënë që Rama t’i bashkohet projektit në Kosovë ndrësa te Flamurtari i Prishtinës do të jetë në krah të teknikut të parë Jeton Nesmini nga Gostivari.
