Koronavirus/ Franca nis ndalimin e futbollit…
Një vit më parë kur COVID-19 pushtoi botën, Franca ishte ndër të parat vende në Europë që mbylli me sportet. Të gjithë mbajnë mend se si Lioni u ankua pasi mbeti jashtë kupave të Europës.
Sot Komiteti Ekzekutiv i Federatës Franceze të Futbollit (FFF), ka vendosur të ndalojë të gjitha garat amatore të departamenteve dhe rajoneve amatore për 2020-2021, për shkak të epidemisë COVID-19 dhe masave të përforcuara shëndetësore.
Situatat e kampionateve kombëtare të Ligë 2 dhe divizionit 2, të pezulluara nga Ministria e Sporteve, do të jenë objekt i perspektivave të mundshme të rifillimit.
FFF, gjithashtu ka ndaluar përfundimisht kampionatet kombëtare të Divizionit 2 futsal, femra U19, kombëtar U17 dhe U19, kombëtar 3, si dhe edicionin 2020-2021 të Kupës së Femrave.
