Gavazaj rikthehet në Prishtinë…
Prishtina afron Enis Gavazajin në tentativë për të bërë një skuadër të denjë për Ipko-n aktuale të cilen e ka nisur jo dhe aq mirë. Prishtina në 4 takime ka arritur një fitore, dy barazime dhe një humbje duke mbledhur vetëm 5 pikë.
Klubi ka njoftuar se ish- lojtari i Kukësit ka firmosur sot zyrtarisht me bardheblutë nga Prishtina.
Klubi njofton në rrjete:
Mesfushori ofensiv i krahut, Enis Gavazaj, 25 vjeç, rikthehet në Prishtinë pas shtatë vitesh. I transferuar si talent i madh nga Liria në janar të vitit 2012 si 17 vjeçar, me FC Prishtinën për një vit e gjysmë pati zhvilluar 22 ndeshje zyrtare. Pas turneut U19 në Dortmund, Gavazaj ishte transferuar te skuadra belge, Gent. Pjesë tjetër të karrierës së Gavazajt e dini të gjithë duke përfunduar deri te anëtar i Kombëtares së Shqipërisë.Ish-futbollisti i Rosalare (Belgjikë), Skënderbeut, Yenisey (Rusi), Dinamo Minsk (Bjellorusi) dhe së fundi në Kukës, do t’i bashkohet Prishtinës menjëherë në seancat stërvitore.T’i ndihmoj klubit siç më kishte ndihmuar klubi mua shumë vite më herët“Kthimi në Prishtinë më shtyu ambiciet e klubit. Ka ardhur koha t’i ndihmoj klubit siç më kishte ndihmuar klubi mua shumë vite më herët. Kam ardhur për të mirën e dyanshme”.“Prishtina prej kur isha unë ka ndryshuar shumë, vetëm pak bashklojtarë që kam pasur më herët ende janë pjesë e klubit. Ka ndryshuar stadiumi e që tani është ambient shumë më i mirë se që ka qenë”.“E njoh ekipin, e përcolla edhe dje me Llapin, më pëlqeu, thjesht duhet punë dhe me këtë ekip besoj që mund të arrijmë shumë lart”.“Premtoj më të mirën nga ana ime, gola dhe asistime”.
