Makina Bajern ‘grin’, 8 gola Shalkes në start

Bundesliga java e parë: Bajern Mynih-Shalke 8-0. 

Tri gola Gnabri, shënon edhe 17 vjeçari Musiala

Startoi sot Bundesliga e Gjermanisë me të vetmin takim të ditës Bajern Mynih- Shalke 04.

Kampionët e europës duket se nuk kanë ndëmend të bëjnë ndryshe. Pasi shaktërruan pak javë më parë (14 gusht) Barcelonën në gjysmëfinale të Champions 8-2, edhe në prologun e kampionatit, shkallmojnë Shalken, 8-0.

Goli iparë në ‘Allianz Arena’, vjen nga Gnabri që në të 4′. Më pas vjen goli i dytë nga Goretzka dhe i tretë po gjatë fraksonit të parë nga Levandovski me penallti.

E dyta nuk ndryshon kah. ‘Makina’ Bajern vijon të ‘grijë’ ndërsa stafetën e merr sërish Gnabri. Sulmuesi i linjës shënon dy herë të tjera në të 47′ dhe 59′. Tomas Myler firmos të 6-tin ndërsa Lëroi sane dy minuta më vonë në të 72-tën shënon të shtatin. Musiala realizon të tetin…

Shalke e cila edhe fazën përmbyllëse të sezonit të shkuar bëri shumë gabime. Pas kësaj katstrohe në hapje, trajneri David Vagner pritet të largohet.