Turqia ndërron mendje, i mbyll stadiumet…
Federata Turke e Futbollit është tërhequr. Pasi javën e shkuar njoftoi, se tifozët do të lejoheshin në stadiume me rinisjen e kampionatit, brenda kufirit prej 30% të kapacitetit të stadiumit, tani ajo ka ndryshuar mendim.
Për shkak të rritjes së numrit të infektuarve me koronavirus, Federata Turke e Futbollit të enjten vendosi, që pjesa e parë e sezonit 2020-2021, planifikuar për të startuar më 11 shtator, do të luhet me dyer të mbyllura.
