Dinamo, “mbytet në liqen”
Dinamo Tiranë, ka nisur projektin e ri të edicionit futbolistik 2020-21. Ndonëse blutë shpëtuan për mrekulli nga fundosja nga Kategoria e Parë në të Dytën, duket se presidenca e re, po mbetet te emrat e nivelit të Kategorisë së Parë.
Dje u prezantua sulmuesi Artion Alillari teksa vjen nga ekipi i Pogradecit, ndërsa sot kryeqytetasit prezantojnë në rrjete Kevi Berberin si afrim të radhës.
Mesfushori i cili duket si sozia e Kristal Abazajt, vjen nga i njëjti ekip ai juglindor i Pogradecit, duke dhënë mesazhin se Dinamo e edicionit të ri, do jetë sërish në duar të elementëve nga pista shqiptare.