Drita në ‘Ballkan’, java e fundit e Ipko-s
Ipko Superliga e Kosovës ul sot siparin e edicionit futbollistik 2019-20. Duke nisur nga ora 17:00, të gjitha protagonistet do të luajnë aktin e fundit sezonal në këtë realitet të pazakontë të pandemisë botërore.
Drita e Gjilanit, e shpallur javën e kaluar kampione e Ipko-s, udhëton drejt Suharekës për t’u përballur me Ballkanin. Skuadra e Ismet Munishit (Ballkani) ishte bukuria e këtij edicioni, duke udhëhequr për shumë javë klasifikimin.
Në fushë me synim fitoren ndaj Flamurtarit të Prishtinës në transfertë edhe Gjilani i teknikut vlonjat Gentian Mezani, i tejmbushur me futbollistë nga Kategoria Superiore.
Gjithsesi vendasit e Flamurtarit edhe pse vijnë në javën e fundit si vendi i 6-të, një humbje në shtëpi, shoqëruar me fitoren e Drenicës dhe Trepça’89, mund t’i dërgojë një kategori më poshtë.
Java e 33-të Ipko ora 17:00:
Ballkani-Drita
Flamurtari-Gjilani
Trepça ’89-Prishtina
Ferizaj-Feronikeli
Drenica-Dukagjini
Vushtrria-Llapi