Mourinjo: “Falja e Sitit nga CAS, një turp”!
Trajneri i Totenhemit, Joze Mourinjo, si përherë është mediatik në ishull. Më së fundmi, ai ka komentuar vendimin e dhënë për Mançester Siti, duke akuzuar ashpër Gjykatën e Arbitrazhit Sportiv (CAS) me seli në Lozanë të Zvicrës.
Gjatë një konference për shtyp, portugezi është shprehur: “Eshtë një vendim i turpshëm. Nëse Siti nuk është fajtor, nuk duhej të gjobitej me 10 milionë euro. Nëse nuk është fajtor nuk duhet të gjobitet.
Nëse ata janë fajtorë, vendimi është i turpshëm dhe nuk duhet të marrë pjesë në garat europiane. Unë nuk e di nëse Mançester Siti është fajtor apo jo, por në të dy rastet është vendim turpshëm”, ka deklaruar trajneri portugez Mourinjo.