Zijec nis seancat me Çelsin…
Ish-lojtari i Ajaks Amsterdam, Hakim Zijec mund të jetë personi i duhur për të bërë Eden Hazardin te Çelsi.
Kjo është pikëpamja e ish-sulmuesit të Arsenalit, Ian Rajt, i cili vlerëson marokenin ndërkombëtar me një: “nënshkrim i shkëlqyer për Blues“.
Pas zhvillimëve të fundit, Zijec është zyrtarisht një lojtar i Çelsit, pasi përfundimisht klubi i ri, pagoi shumën prej 37.4 milionë dollarësh te Ajax.
Në ‘Stamford Bridge’ Hakim Zijec, 27 vjeç, asistoi në tribunë teksa skuadra e tij e re, mundi mbrëmë 1-0 Noruiçin, duke u katapultuar në vend të tretë.
Anësori maroken u bashkua me klubin londinez në fillim të këtij muaji dhe nisi seancat stërvitore të hënën me Çelsin. Gjithsesi, mesfushori i talentuar, nuk do mund të aktivizohet në asnjë takim të mbetur të skuadrës së Lampard deri në fund të këtij sezoni në Premier.