Benfika largon trajnerin, Poçetino në listë…
Dy humbje radhazi dhe Benfika në Portugali, ‘dorëzon’ titullin te rivali i përjetëshëm Porto.
Kur duhen edhe 5 javë, diferenca është bërë 6 pikë, duke u kthyer praktikisht mision i pamundur për “shqiponjat” e Lisbonës. Në këtë pikë klubi ka larguar mbrëmë trajnerin Bruno Lage.
Ishte vetë tekniku, që i ka kërkuar presidentit largimin.E konfirmoi vetë presidenti i klubit Luis Filipe Vieira:
“Trajneri ynë Bruno Lage foli me mua në fund të ndeshjes me shumë dinjitet. Ai më tha: “President, unë po jap dorëheqjen sepse mendoj se gjërat nuk po shkojnë mirë për Benfikën. Nëse pranoni, unë nuk do të jem më trajneri”.
Presidenti ka pranuar dorëheqjen e trajnerit dhe klubi do të njoftojë zëvendësimin e tij brenda orëve të ardhshme. Në fakt, përpara se Lage të largohej, në media ka qarkulluar lajmi se Benfika ka kontaktuar Poçetinon.