Franca bën gati platformën e re sezonale…
Bordi i Drejtues i Ligës Franceze të Futbollit (LFP) publikoi vendimin e Asamblesë së Përgjithshme të 23 dhe 26 qershorit.
Konfirmohen rrëzimet në ‘Ligue 2’ të Tuluzë dhe Amiens dhe ngjitën në ‘Ligue 1’ Lens dhe Lorient. Bëhet e ditur se kampionati elitar francez do të fillojë fundjavën e 22-23 gusht dhe do të përfundojë të dielën 23 maj 2021.
Ndërkaq, finalja e Kupës së Ligës midis Paris Saint-Germain dhe Lion, e planifikuar fillimisht për 4 prill dhe e shtyrë për shkak të pandemisë koronavirus, do të luhet në 31 korrik në ‘Stade de France’.
Mundësi e vetme e Lionit teksa në rast fitoreje të trofeut, do të kualifikohet në Europa League. Pas ndalimit të futbollit francez, Lioni mbeti jashtë listës europiane nga kampionati.
