Superliga IPKO, Llapi e nis me “poker”…
Futbolli elitar, kampionati Superliga IPKO në Kosovë, pas pezullimit për shkak të pandemisë së koronavirusit ka rinisur sot me ndeshjet e javës së 23-të.
Takimi i pare ka qenë ai i luajtur në Podujevë, midis skuadrës së Llapit dhe asaj të Dukagjinit, ku futbollistët vendës kanë shënuar “poker” golash, duke fituar me rezultatin 4-1.
Për llapjanët, autorë të golave ishin Prençi, Selmani, Shabani dhe Veliu, që shënuan nga dy në çdo pjesë të lojës, ndërkohë që golin e vetëm për Dukagjinin e realizoi Mulaj.
Pas kësaj fitoreje, Llapi me 37 pikët e grumbulluara ngjitet në vendin e pestë në renditje.
Në kuadrin e javës së 23-të në kampionatin kosovar, nesër, pra të shtunën do të luajnë: Drita-Flamurtari, Feronikeli-Vushtrria, ndërsa të dielën: Ballkani-Drenica, Gjilani-Trepça ’89, Prishtina-Ferizaj.
