Datë hitorike e Milanit të Sakit…
Në historinë e Milanit të Silvio Berluskonit ka disa data pikante por ajo e 19 prillit 1989,mbetet e pashlyer në kujtesë. Në ‘San Siro’, kuqezinjtë vendas, luajnë ndeshjen e dytë gjysmëfinale të Ligës së Kampionëve kundër Real Madridit, dominuesi i asaj kohe në Spanjë.
Skudara e Arrigo Sakit, pas 1-1 e ndeshjes së parë në ‘Bernabeu’ (goli i Hugo Sançez dhe Marko van Basten) ofroi një rikthim interesant në Itali. Një Milan i tejmbushur me yje, e me shkëlqimin maksimal, ishte thjesht i përsosur.
Rezultati i pjesës së parë vrasës për miqtë nga Madridi. Ançeloti, Rajkard dhe Gulit shënojnë në pjesën e parë. Furia e ‘djallit’ nuk ndal pasi në të dytën, Van Basten dhe Donadoni, plotësojnë ‘maniten’. Milan-Real Madrid 5-0.
Franko Barezi kapiteni i kuqezinjëve kujton për Milanin e atij viti: “Në ‘Bernabeu’ kuptuam se me të vërtetë do të ndryshonim historinë. Dhe të gjithë tifozët ishin me ne”.
Ndërkaq finalja e 24 majit e atij edicioni, u luajt në Barcelonë mes Steauas së Bukureshtit dhe Milanit. Rezultati 0-4 për Milan (dy gola Gulit, dy gola Van Basten).
