Bare: ‘Jam si në kafaz, te Malaga më duan’
Nga shtëpia e tij në Malaga, mesfushori i Kombëtares kuqezi Keidi Bare, në një bisedë video, për ‘Fan Zonë në “SuperSport”, ka dhënë përgjigje interesante për publikun e mbështetësit e tij.
“Unë jam një tip që rri zakonisht në shtëpi pas stërvitjes. Tani jemi si një kopësht zoologjik që njerëzit janë në kafaz.
Kjo gjë është e mirë për njerëzit tanë apo familjarët, nëse do të dalim në rrugë do të përkeqësohet gjendja”.
Miqtë?
“Sadikun e kam këtu afër. Por nuk na lënë të takohemi pasi ka gjoba. Flas me Manajn, e çunat e tjerë. Me shoqe jo, jam mirë vetëm”.
Zëra për largim nga Malaga ?
“Tani për tani kam kontratë me Malagan dhe nuk jam tip të flas për diçka që nuk është e vërtetë. Kam pasur oferta por në janar është periudhë e vështirë për të lëvizur.
Kam kontratë këtu, njerëzit më duan, trajneri gjithashtu, ndaj ndihem më mirë edhe këtu” –ndër të tjera fieraku Bare.