Reali gati ta lëshojë, parametra zero për Bejl
Real Madrid reflekton mbi të ardhmen e Garet Bejl. Siç raporton ‘Marca’, ‘Los blancos’ po mendojnë ta lëshojnë uellsianin duke e lënë të lirë që nga vera e radhës.
Duke pasur parasysh problemet e shumta fizike të Bejl dhe performancën së tij me hope, klubi madrilen po parashikon lamtumirën e anësorit.
Analistët pranë Real Madrid, shprehen se lojtari i ardhur me bujë të madhe te galaktikët, asnjëherë nuk u ngjit në nivelin e pritshëm.
Kjo lëvizje duket se lidhet me pagën e lartë të futbollistit, e cila bazuar në kontratën deri në 2022, do ta rëndonte arkën e Florentino Perez.
Edhe raportet e krisura me Zidan, shpesh kanë shtyrë që Bejl të konsiderohet i tepërt në Madrid.