Luhet në mesjavë, debuton Orges Shehi
Në këtë pikë të garës, gabimet janë të ndaluara. Sot për javën e 25-të, 10 ekipet e Kategorisë Superiore me plane dhe llogari të hapura për objektivët e ditës.
Përjashto takimin e Laçit, java luhet në 17:00. Edhe pse të hënën u aludua se takimi Skënderbeu- Luftëtari do zhvillohej si çifti Laçi- Bylis në 14:00, kjo nuk ka ngjarë.
Ndërkaq, Tirana kryesuese viziton Vlorën. Kryesuesit me moral të lartë pas fitores 5-1 ndaj Partizanit, pritet të kthehen me tri pikë nga përballja me Flamurtarin e fund-tabelës.
Ndeshje e thjeshtë, gati formalitet për Skënderbeun ndërsa pret Luftëtarin. Duelet e nxehta me mision pagabueshmërinë, shfaqen takimet Partizani- Teuta e Kukësi-Vllaznia.
Nga ana tjetër Laçi- Bylis teksa i paraprin kësaj jave në mesditë, përmbush të gjitha kriteret e një dueli të shkallës së lartë vështirësie.
Risia e javës vjen nga pankinat. Durrsaku Orges Shehi, në rolin e trajnerit, do të debutojë në krye të Kukësit ndaj shkodranëve në ‘Elbasan Arena’.
Ora 14:00
Laçi-Bylis
Ora 17:00
Kukësi- Vllaznia
Partizani-Teuta
Flamurtari- Tirana
Skënderbeu- Luftëtari