Laçi ndiqet nga ‘vllai i madh’

Pas impiantëve kryesore në vend, sot për herë të parë edhe stadiumi i Laçit njohu kamerat e sigurisë.

Federeta Shqiptare e futbollit në bashkpunim me klubin, ka arritur në kohë të shkurtër të instalojë një mori kamerash të cilësisë së lartë.

Nga salla e improvizuar në katin e dytë të impianit, sot gjatë sfidës Laçi- Bylis (3-2) për Kupën e Shqipërisë, të gjithë ambientet e stadiumit ‘Laçi’, janë vëzhguar nga specialistët përkatës të fushës.

Kështu, me bardhezinjtë protagonistë në elitën e futbollit shqiptar, plotësohet edhe kriteri i sigurisë. Mbetet për tu parë hapi i radhës, ai që lidhet me sistemin elektik të ndriçimit.

Stadiumi ‘Laçi’, figuron nga të vetmit në Kategorinë Superiore që nuk ka reflektorë ndriçues.