Visar Musliu futbollisti i vitit…
Në modë. Në fund të çdo viti kalendarik, bëhën bilance dhe ndahen trofe.
Sikundër në çdo kampionat, edhe në Maqedoninë e Veriut, mbrëmë pati një ceremoni teksa u ndanë disa çmime për arritjet futbollistike të vitit 2019.
Nuk mund të mungonin protagonistët e Shkëndijës së Tetovës të cilët janë kampionët në fuqi. Klubi ka postuar në zyrtaren e klubit trofetë e tij. Visar Musliu i Shëndijës, u shpall futbollisti i vitit…
Postimi i Klubit:
Federata e futbollit të Maqedonisë së Veriut organizoi ceremoninë për ndarjen e çmimeve për më të mirët e sezonit 2018/2019 në të cilën KF Shkëndija doli fituese në tre kategori.
Ish-mbrojtësi kuqezi, Visar Musliu falë paraqitjeve me fanellën tonë në rrugën drejt titullit të dytë me rradhë kampion i Maqedonisë së Veriut “rëmbeu” çmimin kryesor “Futbollisti më i mirë i vitit në LPFM”.
Dominimi në garat me moshat kuqezinjëve u solli epitetin “Ekipi më i mirë te kategoritë e reja”, ndërsa Florent Ramadani ishte fitues i çmimit “Golashënuesi më i mirë te kategoritë e reja” falë 38 realizimeve sezonin e shkuar (34 gola në kampionat dhe 4 në Kupë)-shkruan Shkëndija