Majkëll Ngo, i thotë “Po” Tiranës!…
Sulmuesi anglez Majkëll Ngo do të jetë pjesë e Tiranës edhe për sezonin e ri. Edhe pse pak me vonesë, sot ai ka mbërritur në Tiranë, dhe menjëherë është ulur për të biseduar me drejtuesit e klubit bardheblu të kryeqytetit.
Duket se palët kanë gjetur gjuhën e përbashkët për të vazhduar bashkëpunimin edhe për sezonin e ri. Sulmuesi Ngo, pasi të nënshkruajë kontratën këto ditë, pritet që të hënën të dalë në stërvitje me skuadrën bardheblu për t’u vënë nën urdhërat e trajnerit Mema.
Gjithçka bëhet e ditur nga një foto në Instagram, ku shihet sulmuesi Majkëll Ngo në shoqërinë e drejtorit sportiv të Tiranës, Arbi Laçi.
Bardheblutë e kryeqytetit ende nuk e kanë mbyllur merkaton. Deri tani fanelën e Tiranës e kanë veshur zyrtarisht Osmani, Batha, Kale, Torasa, Dunga, Bakaj apo Qirko. Sulmuesi Majkëll Ngo, të hënën do të jetë futbollisti më i ri i Tiranës.
