Boban, merr një “fanelë” milaneze…
● Paolo Maldini dhe Zvonimir Boban, do ndërtojnë Milanin e ri.
Në një njoftim zyrtar, klubi i Milan, bëri të ditur se Shefi i Zyrës së Futbollit do të jetë Zvonimir Boban. Edhe FIFA para njoftimit të klubit, doli me një deklaratë zyrtare duke konfirmuar largimin e Boban nga strukturat drejtuese të saj.
Në këtë mënyrë Drejtori i ri teknik i Milanit Paolo Maldini dhe kroati Zvonimir Boban,si Shef i Zyrës së Futbollit, përbëjnë dhe binomin me pritshmëri të lartë te kuqezinjtë e Milanos.
“Jam shumë i lumtur që kthehem sërish te Milani im i dashur. Do të jap kontributin tim për ta kthyer skuadrën aty ku e meriton. Një klub protagonist e fitues” –tha ndër të tjera kroati që nga sot do të jetë një ndër njerëzit më të besuar të administratorit Ivan Gazidis..
