Kros rinovon, deri në 2023 me Realin…
Revolucioni i premtuar nga Zidane, duket ka nisur nga mesfusha te Real Madridi. Numri 8 i madrilenëve, gjermani Toni Kros, ka rinovuar kontratën me klubin “merenges”.
Kjo është bërë e ditur nga vetë klubi i Madridit, i cili përmes rrjeteve sociale ka konfirmuar lajmin, se ka arritur marrëveshjen me mesfushorin Kros për zgjatjen e kontratës deri në fund të vitit 2023.
Pas këtij lajmi, kuptohet se zërat për një largim të mundshëm të gjermanit nga radhët e madrilenëve, do të shuhen.
Toni Kros është bashkuar me Real Madrid në sezonin 2014-2015, duke u shndërruar një pike kyçe për skuadrën “mbretërore” të merengësve.
Ai ka punuar si me Ançelotin, ashtu edhe me Zidanen, duke fituar edhe 3 kupa të Champions League në radhët e Real Madridit.
